Stal ar brezhoneg
|
|
||
Kasadennoù dindan berr amzer - Paeamant gwarezet |
|
Fichenn ditouriñ Istor ar vretoned - Levrenn 1 |
|||
 |
Levr e brezhoneg Rummad : Istor, glad • Skrivagner : Visant Roue Tresadennoù gant : Mikael Bodlore-Penlaez Ar Vretoned hag ar Romaned -55 betek +410 « Ar Vretoned a zilestr en Arvorig er Vvet kantved o tec’hout kuit dirak ar Saksoned » : peurliesañ e krog al levrioù istor en doare-se en tu-mañ da Vor Breizh. Padal e chom kalz da zisplegañ : Piv e oa ar Vretoned-se ? Penaos e vevent war Enez-Vreizh ? Petra e oa bet o istor a-raok na errujent war an douar bras ? Techet eo an istorourien c’hall da gregiñ gant donedigezh ar Vretoned en Arvorig ; evit an istourourien saoz, avat, e seblant istor ar Vretoned echuiñ ur wech treuzet ar mor gante. Istor ar Vretoned a venn diskouez al liamm don ha padus etre an daou ribl eus Mor Breizh, ha heuliañ o istor adalek -55 betek 1115. El lodenn gentañ, « Ar Vretoned hag ar Romaned (-55/+410) », en do tro al lenner da c’houzout hiroc’h diwar-benn ar Vretoned, ar pobloù a veve war Enez-Vreizh, doare ar galloud politikel ha speredel, plas ar merc’hed… Gwelet e vo perak ha penaos e voe aloubet well-wazh an enezenn gant ar Romaned, difennet gant brezelourien ha marc’hegerien ampart ; penaos e voe skignet gizioù Roma er vro ; betek ma voe, en diwezh, dilezet Enez-Vreizh gant an Impalaeriezh hag ar Vretoned o-unan o klask tapout ar galloud e Roma. Embannadur : Here 2025
|
||
  Gwirioù miret strizh gant an embanner - Difennet eo adimplijout ar skeudenn-mañ | |||
|
||||||||
|
•