Stal ar brezhoneg
|
|
||
Kasadennoù dindan berr amzer - Paeamant gwarezet |
|
Fichenn ditouriñ Ene al linennoù |
|||
 |
Levr e brezhoneg Rummad : Arzoù • Skrivagner : Xavier Langleiz Divizet o deus Mouladurioù Hor Yezh adembann al levr kaer ha bamus-se, bet moulet evit ar wech kentañ ha nemeti e 1942 gant Skrid ha Skeudenn. Ul levr dioutañ e-unan eo Ene al Linennoù, evel ma voe Langleiz un den dioutañ e-unan, war un dro barzh, romantour, livour hag engravour. Klasket en deus an aozer spisaat e venozioù diwar-benn an Arz (pe, resisoc'h, diwar-benn pouez ha ster al linennoù en arzoù treset a blije kement dezhañ ober. Ha n'eus nemet sellout ouzh levrioù evel Enez ar Rod, Marzhin pe Chal ha Dichal (hemañ diwar zorn R. ar Mason) evit merzout pegen donezonet e oa, n'eo ket hepken evit skeudennoù, met evit kendeuziñ e skeudennoù gant an destenn. "Ene al Linennoù a zo oberenn ur skrivagner hag un arzour war un dro ; pa lavaran skrivagner, barzh a vije gwelloc'h, rak barzhoniezh a zo hed-ha-hed al levr-mañ [...] An tresadennoù savet gant Langleiz da skeudenniñ an destenn a zo eus ar c'haerañ." : setu ar pezh a c'halled lenn er gelaouenn SAV, Niv. 25, Diskar-Amzer 1942. Ne c'helled ket lavarout gwiroc'h. Embannadur : Here 2011
|
||
 Gwirioù miret strizh gant an embanner - Difennet eo adimplijout ar skeudenn-mañ | |||
|
||||||||
|
•