Stal ar brezhoneg
|
|
||
Kasadennoù dindan berr amzer - Paeamant gwarezet |
|
Fichenn ditouriñ Nadjati |
|||
 |
Levr e brezhoneg Skrivagner : Laurence Lavrand Troet gant : Sparf Evit Margaux, n'eo ket plijus ar vuhez ; fallgonoñ a ra : n'he deus ket kalz arc'hant evit bevañ, n'em em glev ket mat gant he mamm, hag ouzhpenn ne fell ket da hounnezh komz diwar-benn he zad, un den dianav, da Vargaux. N'eo ket gwelloc'h er skol, gant ar bikez-se a Gatie hag he deilhad diouzh ar c'hiz, prenet ker-ruz gant he mamm binvidik. Avi he deus Margaux outi. Dre voneur eviti emañ Charlotte en he buhez, he mignonez wellañ. Ha Valentine ivez, ur plac'h yaouank-kozh a zo o chom e kreiz-kêr. Ganto e tremen buan an amzer, evel gant he mignonezh kozh Nadjati, gwechall, pa oa o chom er C'homorez. Ha setu ma tifoup Nadjati a-greiz-holl, evel un huñvre, tec'het dre guzh diouzh krabanoù un eontr drouk. Ur vuhez nevez a grog enta evit Margaux, oc'h adskoulmañ mignoniezh gant Nadjati, evel div c'hoar, hag o klask tostaat muioc'h-mui ouzh kalon Antoine, breur Charlotte, piket he c'halon gantañ ; ha kement-se en ur gas da benn, dre guzh, un enklask diwar-benn amzer dremenet he mamm, war roudoù he zad, un enklask war he buhez-hi e gwirionez. Embannadur : Here 2011
|
||
|
||||||||
|
•